ERRANTES POLO MUNDO

O pasado 24 de febreiro, foi o día de Rosalía de Castro. Como coincidiu coas vacacións de Entroido decidiuse adicarlle a Rosalía o xoves 27 e o venres 28. Este foi o resultado.

O alumnado de Educación Infantil achegouse a figura de Rosalía para coñecela un pouquiño mellor.

O alumnado de Educación Primaria uniuse á iniciativa da Asociación de Escritores en Lingua Galega de Errantes polo mundo.

Murgas do Entroido de Seara

MASAIS DE E.I.

MEXICANOS DE 1º E 2º

HINDÚES DE 3º E 4º

XAPONESES DE 5º E 6º

O desfile de Entroido

Como é tradicional no noso centro o venres de Entroido saímos a desfilar por Moaña. No Palco da música masais, mexicanos, hindúes e xaponeses cantaron a súa murga. Aquí tedes un resumo:

21 DÍAS EN GALEGO: FESTA FINAL

Máis de 400 rapaces e rapazas dende 3º de Educación Primaria ata 2º de bacharelato, xuntáronse nos xardíns do Concello para a festa final da campaña dos 21 días en galego.

Houbo actuacións musicais en galego dende as 11:15 da mañá por parte da rapazada do IES As Barxas e o IES Paralaia.

Tras as actuacións do alumnado dos institutos, chegou o prato forte: os rapeiros de Ponteareas SON DA RÚA.

E para o alumnado de Educación Infantil, 1º e 2º de Educación Primaria, mirade que agasallo tan chulo por participar na campaña.

VISITA DE ANTONIO GARCÍA TEIJEIRO

As clases de 1º,2º e 3º tiveron a sorte de coñecer ao mestre e escritor Antonio García Teijeiro. 

Leron, recitaron e incluso cantaron poemas do autor, principalmente do seu ultimo libro: Vento, ventiño, venteiro.

Aproveitando esta visita tan importante, alumnado de 5º entrevistou a García Teijeiro para Radio Seara:

https://www.ivoox.com/47665801

Esta visita foi posible grazas a participación do centro por terceiro curso consecutivo no proxecto Faro da Escola.

21 DÍAS EN GALEGO EN EDUCACIÓN INFANTIL

Os máis cativos do cole tamén están a participar na campaña 21 días en galego. Cada día o responsable abre a mochila do monstro para descubrir unha nova palabra en galego.

Despois toca formar a palabra coas letras magnéticas, contar cantas ten, pensar outras novas palabras con estes fonemas e tentar escribila na medida das súas posibilidades.

CANTAS PALABRAS NOVAS ESTÁN A APRENDER!

ACHEGAMENTO A POESÍA DE ANTONIO GARCÍA TEIJEIRO

A clase de segundo seleccionou na biblioteca algúns libros da extensa bibliografía de Antonio García Teijeiro para a aula.

Leron , copiaron e debuxaron os poemas que máis lles gustaron.

Tamén se atreveron a recitar e  inventaron algún pareado a partir dos versos de Teijeiro.

21 DÍAS EN GALEGO: XOGOS

  

Estes días estivemos xogando nas aulas cun xogos en galego moi divertidos: adiviñas, de que falo?, o xogo dos debuxos, cada ovella coa súa parella.

Moitas grazas ao blog da mestra Cris por compartir estes xogos tan chulos:

https://oblogdamestracris.blogspot.com/