Día Mundial do teatro

No Día Mundial do teatro unha obra para pasar o tempo "A galiña azul" por cortesía de Tanxarina Títeres.

Picando na imaxe poderás ver a obra

Sinopse

“Lourenzo ten unha galiña azul con cinco plumas vermellas na á dereita. Unha galiña moi bonita e moi rara. Poñen ovos de cores. Ademais non di cacaracá como as outras galiñas, senón que di cocorocó. E isto ten preocupadas as autoridades.”

A Galiña Azul é un espectáculo que fala da diversidade e da solidariedade, destinado ao público infantil e familiar, no que empregamos diversas técnicas de manipulación de bonecos e traballo actoral.

O texto de C. Casares, pedra angular da literatura infantil galega, cobra nova vida neste espectáculo que recolle catro contos do orixinal do autor, nunha divertida adaptación

Ficha artística

• Elenco: Eduardo Cunha “Tatán“ , Miguel Borines e Andrés Giráldez
• Escenografías e creación de bonecos: Pablo Giráldez “Pastor“ e TANXARINA
• Música: Paco Martínez Barreiro
• Vestiario: Carlos Alonso
• Adaptación e dirección: Cándido Pazó
• Texto Orixinal: Carlos Casares

• Técnica: Diversas técnicas
• Duración: 50 minutos.

Día da poesía

Hoxe é o día mundial da poesía. Como non podemos conmemoralo no colexio vos deixamos varios recursos de AULAS GALEGAS. Picando en cada imaxe poderás accedar ao recurso.

ADIVIÑA O POEMA

ANTONIO GARCÍA TEIJEIRO E ROSALÍA

Aulas galegas

Aulas galegas é un portal educativo realizado por un colectivo de profesoras e profesores sen ánimo de lucro que cremos que ante a situación de illamento provocada polo coronavirus Covid-19 debemos ofrecerlle unha axuda educativa á sociedade.

Aulas galegas nace para axudar o alumnado, as familias e o resto de profesorado a atopar recursos e materiais educativos en galego.

Salón do libro

 O salón do libro estaba previsto en Pontevedra do 6 ao 28 de marzo pero tivo que ser cancelado.

Para compensar a cancelación do salón do libro chega o Salón Virtual, onde teñen argalladas unha chea de cousiñas. Aquí poderedes ver algunhas das propostas que estaban programadas e moitas outras novas, creadas para levar da mellor maneira estes días de peche.

https://www.salondolibro.gal/salon-virtual/

Todo vai saír ben

Wangari e as árbores da paz

O xoves 12 de marzo tiñamos previsto acudir ao Centro Sociocultural Daniel Castelao ao concerto didáctico interpretado pola Escola Municipal de Música chamado "Wangari e as árbores da paz", onde se  narra a historia desta muller africana, loitadora incansable na defensa das mulleres e o medio ambiente,baseado no libro de Jeanette Winter, ed. Ekaré.  Todos e todas estabamos preparados para cantar, pero non puido ser.

Aquí vos deixo a canción que aprendestes para que poidades cantala na casa.

Día da árbore

A clase de segundo foi a protagonista dunha plantación de árbores organizada polas Comunidades de Montes dentro do programa Aprende Moaña. Esta actividade, tradicional nas escolas do concello dende hai anos, convértese nunha xornada de convivencia entre todo o alumnado moañés que cursa segundo de primaria. Este curso, o lugar escollido foron os montes de Meira e gozaron da actuación do contacontos Anxo Moure.

8M

Este curso para conmemorar o Día da muller, elaboramos un mural colaborativo. Cada alumno e alumna debuxou e pintou en depresores unha muller importante da súa vida e en Educación Infantil ademais pintaron un mural para poder pegar todos esas mulleres importantes na vida dos nenos e nenas.

Ademais cada aula escolleu unha ou varias mulleres aventureiras para investigar. As súas biografías quedaron plasmadas nestes bonitos murais.

CINEMA DE HISTORIAS

Recibimos a visita de Raquel Queizás co espectáculo Cinema de historias que mestura a narración co teatro e o cinema.

Alice Guy, a nai do cinema, será a que esperte a súa curiosidade pola sétima arte. Viaxamos no tempo para coñecer a súa vida e ver fragmentos das súas primeiras películas.

RECHOUCHÍOS

Xa chegaron os rechouchíos para marzo e abril. Maxia, promoción da igualdader, contacontos, música, teatro e lingua de signos.