DÍA DA PAZ

No Día da Paz continuamos a viaxar polo mundo e aprendendo a respectar a diversidade.

Estas son as cancións seleccionadas para este ano:

- O mundo é grande de Mamá Cabra.

-Hello to all the children of the world.

Aquí tedes os vídeos orixinais coa letra para cantar:

O tempo non acompañou neste día e non foi posible cantar e bailar todos xuntos. Estiveron un pouco máis apretadiños pero fixérono moi ben. Aquí tedes unha mostra:

CARANVEXORNAL

Un curso máis colaboramos con Caranvexo TV, a televisión escolar de Moaña,  pensada como un proxecto colectivo para vincular aos diferentes centros educativos deste concello.

A través desta plataforma dinamízase o uso oral do galego ao tempo que o alumnado pode producir contidos e crear espazos de comunicación na nosa lingua.

Xa podedes ver o noso primeiro Caranvexornal deste curso.

APRENDENDO SOBRE A COMPOSTAXE EN 3º E.P.

Dentro do Plan Revitaliza o alumnado de 3º recibiu na súa aula a Manolo para impartir unha charla de achegamento ao tema do lixo doméstico (tipoloxía, volume, precaucións).

Aprenderon moitas cousas acerca da xestión deste lixo e o seu tratamento.

APRENDENDO SOBRE A COMPOSTAXE EN 2º E.P.

Dentro do Plan Revitaliza o alumnado de 2º participou na actividade: "Quen vive aí?

Cunhas mostras de compost e coa axuda de sinxelos capturadores de fauna, buscamos diferentes bechiños presentes no composteiro.

Grazas ás lupas e ao microscopio puidemos identificar  aos diferentes invertebrados e coñecelos máis polo  miúdo.

21 días en galego

Hoxe comezou en Moaña, por segundo ano consecutivo, a campaña: 21 días en galego. Nesta iniciativa participa alumnado de todos os centros de ensino do concello e de todas as etapas educativas dende Educación Infantil ata Bacharelato.

O CEIP Seara súmase á campaña e animamos a toda a comunidade educativa a participar.

PANXOLIÑAS

Polo Nadal continuamos a viaxar polo mundo coñecendo diversas culturas a través de panxoliñas en diferentes linguas.

Os pequenos de E.I. cantan en inglés: We wish you a Merry Christmas.

1º e 2º cantan en italiano: Auguri di buon Natale.

3º en portugués: Chove

4º en éuskaro: Din dan don

5º en catalán: Caga tió

6º en francés: Vive le vent

E TODOS XUNTOS...

Visita de Oli

O alumnado de 5º estivo a ler "O libro dos porcos" e decidiron contactar co seu tradutor: o mestre Xosé Manuel González "Oli". 

Sabiades que no noso cole hai unha aula adicada a súa figura?

Investigaron sobre el, leron algúns dos seus libros e convidárono ao colexio para coñecelo un pouco máis facéndolle unha entrevista para Radio Seara.