TRADICIÓNS DO NADAL

No mes de decembro aprendemos acerca das antigas tradicións do Nadal en Galicia. Aquí tedes unha mostra.

LEO,LEO,LEO,MEDRO,MEDRO,MEDRO...

Coma todos os cursos por estas datas, temos o pracer de difundir as guías de lectura elaboradas pola Coordinadora dos Equipos de Dinamización Lingüística do Morrazo en colaboración cos centros educativos da comarca.

As recomendacións lectoras están cheas de novidades en lectura e música en galego. Hai para todas as idades: Educación Infantil, Educación Primaria, Educación Secundaria e tamén para as familias.

A literatura e a música en galego sempre son un bo agasallo para o Nadal!!!

MES DA CIENCIA EN GALEGO

O alumnado de primaria buscou noticias de ciencia nos xornais coas que elaboraron murais. 

Os maiores de 6º animáronse a elaborar una liña do tempo coas noticias científicas máis importantes da historia da humanidade.

O MUNDO DE INHO

O mundo de inho todos from NoeliaVentosinosBast

O alumnado de 5º e 6º participou nun Obradoiro de Portugués impartido no centro por AGAL (Asociación Galega da Lingua). Este Obradoiro ten por obxectivo xeral amosarlle ao alumnado diferentes claves culturais do mundo lusófono, ademais de facerlle descubrir a facilidade para leren textos en portugués a partir do coñecemento do galego. Estes son algúns dos materiais que empregaron.

25 DE NOVEMBRO

Decoración dos corredores con murais  en galego contra a violencia de xénero.

MAGOSTO NO INSTITUTO

O alumnado de 6º participou un curso máis no magosto do IES A Paralaia. Nesta xornada de convivencia co alumnado do instituto e de diferentes centros educativos de Moaña, elaboraron carteis relacionados co día da non violencia. Estes carteis, rotaron posteriormente polos diferentes centros que participaron desta xornada, converténdose nunha exposición itinerante.

RECHOUCHÍOS

Aquí está a programación dos Rechouchíos para novembro e decembro

SAMAÍN

Polo Samaín dende a biblioteca  xurdiu o primeiro reto xornalístico: entrevistar aos avós e avoas para saber como se pasaban antes estas datas. Descubrimos diversos costumes e tradicións arredor do Samaín e do día de Defuntos.

Desta proposta saíron entrevistas en vídeo, entrevistas gravadas en audio coma auténticos xornalistas radiofónicos e tamén entrevistas por escrito. No blog da nosa biblioteca podedes ver, escoitar e ler todas e las. Aquí tedes os enlaces:

VÍDEOS:

  http://ceipseara.blogspot.com/2018/11/videos-polo-samain-entrevistamos-aos.html

AUDIOS:

http://ceipseara.blogspot.com/2018/11/audios-polo-samain-entrevistamos-aos.html

TEXTOS:

http://ceipseara.blogspot.com/2018/11/textos-polo-samain-entrevistamos-aos.html

Tamén vos deixamos un vídeo para que cantedes e bailedes de medo.

OS BOLECHAS EN MOAÑA

Visitamos a carpa dos bolechas coa actividade " Gatiños, ghatiñas e gatíos. Xeitos de falarmos galego". Falamos, escoitamos, saltamos, corremos, pintamos... ao mesmo tempo que coñecemos a riqueza do noso idioma ao longo e ancho de toda Galicia.

 

COMUNICANDO EN SEARA

Este curso, a través do noso proxecto de centro, traballaremos os medios de comunicación: televisión, prensa, radio ... Ímonos converter en auténticos xornalistas ao tempo que dinamizamos e melloramos a nosa expresión oral e escrita en galego.